సరదా తెలుగు

రానారె రాసిన తెలుగు నుడికారాలు (పొద్దు లో ) http://poddu.net/?p=97 చదువుతుంటే కొన్ని సరదా సంఘటనలు గుర్తుకు వచ్చాయి. ఇవి నుడి'కారాలు' అనవచ్చో లేదో వివిద ప్రాంతాలలో వాడుక భాష అంటారో తెలియదు..

ఒకసారి హైదరాబాద్ లో నా స్నేహితుడు తన బందువుల వాళ్ళ ఇంటికి తీసుకొని వెళ్ళాడు. (వాడికి అప్పుడే పరిచయం.. ఎవరో వేలు విడిచిన మేనమామ తాలూక అనుకొంట .. వాడికే మొహమాటం ..వాడికి నేను ఇంకొక మొహమాటపు [ బలవంతపు] తోడు )..కాస్త మాటలు అయి 'టిఫినీలు తిన్నారా .. కాఫీలు తాగారా..' అయిన తర్వాత , ఎవరూ పరిచయం లేక పోయిన అన్ని మాటలకి 'ఊ' కొడుతున్ననా పరిస్ఠితి అర్దం చేసుకొని వాడు ఇక బయలుదేరటానికి నిశ్చయించుకొన్నాడు.మళ్ళీ వాడి బుద్ది మారే లోపల బయట పడటం మంచిదని నేను కాస్త ముందు బయటపడ్డా..అయితే వీడు మాత్రం వాళ్ళ ప్రహరీ గేట్ దగ్గర నిల్చొనివున్నాడు. ఏమిరా అని అడిగితే .. 'వాళ్ళూ వస్తారట నన్ను వుండమని చెప్పారు' అని అన్నాడు. ఇంకా విముక్తి లేదన్నమాట అనుకొని కాసేపు బయట వేచివున్నాము.ఎంతకీ ఎవరూ రారు .. వెళ్ళి కనుక్కోరా బాబూ అంటే . వాడు వెళ్ళి అట్నుంచి ముసి ముసి నవ్వులు నవ్వుతూ వచ్చాడు..విషయం ఏమిటంటే .. 'వెళ్ళొస్తానండి' అని మన వాడు అంటే ఆవిడ 'వస్తావుండు బాబు' అన్నారట.. అంటే 'అప్పుడప్పుడు వస్తూ వుండు' అని అర్ధం. మా హీరో కి '(నేను)వస్తాను.. వుండు బాబు' అని అర్ధమైంది... అదన్నమాట..మరి చెప్పటానికి ఏముంది .. అప్పటికే ఆలస్యం అవుతుంది అని వాడిమీద వున్న కోపం అంతా ఒక్కసారి మాయమైంది.
అసలు హాస్టల్ వుండి చదువుకొంటే ఆ మజానే వేరు. .. అన్ని ప్రాంతాల వారు వస్తారు..అన్ని రకాల వాడుక పదాలు తెలుస్తాయి.ఒక్కొక్క సారి నవ్వులతో ముంచెత్తుతాయి.. నేను 10th క్లాస్ లో తరగతి లీడర్ గా వెలగ బెట్టిన రోజులవి. మాకు కృష్ణా జిల్లా నుంచి అనుకొంట ఒకాయన హెడ్మాస్టర్ గా వుండేవారు. ఒకసారి ఆయన 'ఒరేయ్ లెక్కల మాస్టరు పరీక్ష పేపర్లు 'ఎత్తుకొని' వెళ్ళాడ... అని అడిగారు.. కోస్తా జిల్లాలలో 'ఎత్తుకు పోవటం' అంటే దొంగిలుంచుకొని వెళ్ళటం అని వాడుక.అలా అర్ధమై ఆయనేదో సరదాగ అడుగుతున్నారని నేను నవ్వుతున్నాను.(అసలు దొంగిలించాల్సిన అవసరం ఆయనకేంటి అని ఆలోచిస్తూ..)ఆయన కాస్త సీరియస్ 'ఏం నువ్వు చెప్పటం మర్చిపోయావా..' అని అరవగా అప్పుడు ఆయన అభిమతం ఏమిటొ అర్ధమైంది.
ఒకసారి ఒక రాజమండ్రి ప్రాంతం అబ్బాయ్ గ్లాస్ పట్టుకొని (నేను నీళ్ళ జగ్ పట్టుకొని వున్నాను).. తను ఇచ్చుకో అన్నాడు.. నీళ్ళు అనుకొని తన గ్లాస్ లో పోసా..మళ్ళీ ఇచ్చుకో అన్నడు.. మళ్ళీ నీళ్ళు పోసా... చివరికి అర్దమైంది . వాళ్ళ వాడుకలో 'ఇచ్చుకో' అంటే 'పట్టుకో' అని..ఇలా చెప్పుకొని పోతే కుప్పలు.. కుప్పలు.. సరదా తిప్పలు... అసలు అన్ని ప్రాంతాల తెలుగు భాష ప్రయోగం తో సరదాగ ఎవరైనా వ్యాసం రాస్తే బావున్ను.. (హాస్యం వరకే సుమా.. అపహాస్యం కి కాదు).

క్రికెట్ ఆస్ట్రేలియా - ఒక తెలుగు సినిమా..

కొన్ని కొన్ని సినిమాలు చూసి , సామాజిక పరిస్థితులకు ఎంత దగ్గరగా వున్నాయో అని అనుకొంటాము।

మరికొన్ని సార్లు కొన్ని సంఘటనలు సినిమా ఫక్కీలో జరిగుతున్నాయనిపిస్తుంది।ఆలానే ఈ ఆస్ట్రేలియా క్రికెట్ ఒక సినిమా కధలా వుంది। ముగింపు ఎప్పుడూ ఒక్కటే ఒక హీరో , హిరోయిన్ (అప్పుడప్పుడు ఇద్దరు, ముగ్గురు వుంటారులేండి హీరో size ని బట్టి)ఇద్దరి మధ్య ఎన్నేన్నో సంఘటనలు కాని చివరికి ఇద్దరు కలుస్తారు , పెద్దవాళ్ళు పెళ్ళి చేస్తారు।శుభం అవుతుంది ...ఇలా ఎన్ని సినిమాలు తీసినా చివరికి శుభం ఏమవుతున్నదో తెలిసినా కూడా అదొక ఆశక్తితో సినిమా అంతా చూస్తాము।

అలానే ఆస్ట్రేలియా ఆడబోయే సిరీస్ లు అన్నీ అదే రకంగా ఏడ్చాయి। ఈ వరల్డ్ కప్ తో సహా...

ఇక్కడ ఆస్ట్రేలియా లో వుంటూ, వాళ్లు ఓడిపోవాలని కోరుకోవటం తప్పేమో గాని, వాళ్ళు గెలిస్తే క్రికెట్ ఆట మీద ఆశక్తి లేకుండా పోతుంది। ఇది నా మాట మాత్రమే కాదు ఇక్కడ ఆస్ట్రేలియా వాళ్ళది అదే అపరిస్థితి।వాళ్ళ న్యూస్ చాన్నళ్ళలో కూడ క్రికెట్ కి అంత ప్రాముఖ్యత లేదు. అసలు వీళ్ళు ఇండియా లో వుండి వుంటే అక్కడ మన మిచ్చే ప్రాధాన్యతకి ఉబ్బి తబ్బిబ్బయి మన టీమ్ లానే సూపర్ 8 కి కూడ వచ్చివుండే వారు కాదేమో ॥

ఒకసారి Sydney cricket grounds లో నేను చూసిన మ్యాచ్ లో శ్రీలంక , ఆస్ట్రేలియాని చిత్తుగా ఓడించింది .అదే ఆశ తో మళ్ళీ ఈ రోజు మ్యాచ్ పూర్తిగా చూద్దామని నిశ్చయించుకొన్నాను.కనుక నేను చూస్తుండగా ఆస్ట్రేలియా గెలిచే ప్రసక్తే లేదు ...(ఎందుకంటే హేడెన్ , పాంటింగ్ పిచ్ మీద నృత్యాలు మొదలుపెడితే ఇక మళ్ళీ చూడలేక ఆపేయటమే కదా.. సినిమా లో హిరో అదే స్టెప్ లు వేస్తుంటే ఎన్ని పాటలని చూడగలం , కీరవాణి music laaga). అదేదో Learn cricket by -Ricky & team, video CD చూస్తున్నట్టు అనిపిస్తుంది.
బహుశా ఆస్ట్రేలియా ఈ మ్యాచ్ ఓడిపోతే మంచిది। ఎవరికోసమో కాదు , వాళ్ళకోసం , క్రికెట్ ఆట కోసం, లేదంటె ఆస్ట్రేలియాతో మ్యాచ్ అంటే చూడటానికి ఎవరూ రారు , TV చాన్నళ్ళు కూడ ప్రాసారాలికి పోటీ పడకపోవచ్చు।ఏమిటొ మరీ ఇలాంటి పరిస్థితి వస్తుందనో ఏమో Azhar బెట్టింగులు కి వెళ్ళేవాడొ ఏమో పాపం అందరూ తప్పుగా అనుకొన్నారు।అంత దూ(దు)ర దృష్టి పాపం ఇప్పుడు ఎవరికి లేదు కదా !!

అయినా రెండు 'జయ'లు (జయ సూర్య, జయ వర్ధనే)విజృంభించితే విజయం లంకను వరించకపోదా ॥

ALL the best to Lankans॥ Best of luck to Cricket।

అవునట్టు ఈ మద్య Astrologers ఎవరూ ఏ team గెలుస్తుందో పెద్దగా మాట్లాడుతున్నట్టు లేదు. కష్టమే కదా..ఆస్ట్రేలియా గెలుస్తుంది అని చెబితే , మీరు చెబితే గాని తెలీదా అంటారు. పోనీ శ్రీ లంక అని చెప్పాలంటే చాలా risk తీసుకోవాలి. అందుకే అందరికి సమ్మతమైనట్టు జయవర్దనే ఎడమ కన్ను అదరకుండా వుంటే గెలుస్తుంది అని చెబితే సరి.

గత కాలం నాటి కవిత - 2

మనసు ఉల్లాసంగా వున్నప్పుడు మదిలో ఏవో భావాలు మెదిలి, నాలిక మీద కదులుతున్న నాలుగు పదాలను కుదురుగా కూర్చి ప్రాస పూతను పూస్తే మంచి కవితగా మారుతుందని నా అనుభవం , అభిప్రాయం।

అయితే ఈ క్రింద వుంచనున్న నాలుగు పంక్తులు ఏ వర్గం లోనికి వస్తుందో తెలియదు , అసలు తన మనస్సుకి స్పృసించిన సందర్భంలో కవిగారికి ఆ ఆలోచన వచ్చే ప్రసక్తే లేదనుకొండి।
ఇక విషయానికి వస్తే , మా నాన్నగారు తన చిన్నప్పుడు రచించి ప్రచురితమైన కొన్ని కవితలని భ్లాగులో వుంచే ప్రయత్నంలో అడిగితే తను చెప్పిన నాలుగు మాటలు॥

అవి 1950సం,, వారి గ్రామంలో రెండు ఏళ్ళుగా వర్షాలు , పంటలు లేక చాలా కుటుంబాలకి తిండి కూడ కరువైందట. వీళ్ళ ఇంటిలో వండిన అన్నం గంజి కోసం చాలా మంది కాసుకొని వుండే వారట..
కొన్ని ప్రాంతాలకి రంగూన్ నుంచి తెప్పించిన ఎరుపు బియ్యం లభించేదట॥ అక్రమాల వలన అవి కూడ అందరికి అందేవి కాదట। ఆ పరిస్థితులలో తనకి ఆవేదనతో కదిలిన భావాలు నాలుగు పంక్తులలో॥

కష్టాలే కలకాలం కాపురాలు చేయాలా??

ఎన్నాళ్ళూ కాలువలై కన్నీరే పారాలా ??

ఆనందాలు అధోగతిని అణిగిపోయి వుండాలా??

మోసంపై దినం దినం మోజు పెరుగుతుండాలా ??

అవునట్టు ఇవి ఏ పత్రికలో లోను ప్రచురితం అవలేదు కాని తన మనస్సులో మాత్రం ముద్రించబడి వున్నాయని తన మాటల్లో తెలుసుకో గలిగాను॥

అప్పటికి , ఇప్పటికి కాలచక్రం అయిదు పదులు తిరిగింది , పరిస్థితులు రూపులు మారి సమస్యలు కొత్త వేషం దాల్చాయి। ఎటుపోతున్నమో తెలుసుకొనే తీరిక లేదు, ఇక దానిపై విశ్లేషణ సరేసరి।

నిజానికి బ్లాగుల పుణ్యమా అని మరుగుపడుతున్నభాష అయిన కాస్త మెరుగులు దిద్దుకొంటుంది।

Interesting places - memory snap shots

Coverage of different interesting places in the world including Mumbai, Goa, Hampi & Kerala.
http://homepage.mac.com/inthekitchenwithlisa/PhotoAlbum46.html

Its interesting to know what foreigners capture in our cities..

గత కాలం నాటి కవిత

మా నాన్నగారు తను ఉద్యోగ ప్రయత్నాల సమయంలో చేసిన కొన్ని రచనలు వారపత్రికలలో ప్రచురింపబడ్డాయి।
అవి ఇప్పుడు చదువుతుంటే అప్పటి కాలం నాటి స్ఠితిగతులు , వాళ్ళ భావావేశాలు తెలుస్తుంటాయి। వాటిలో కొన్ని సేకరించగలిగాను. మచ్చుకకి ఒకటి।
ఇప్పటి తరంకి అంతగా పట్టవు వద్దు అని తను వారించినా మన కూడలి లో కొన్ని మంచి టపాలు తనకి చూపించి మరి ఒప్పించాను। అప్పటిలో గ్రామపంచాయతీల ఏర్పాటు, పంచశీల పదకాల మీద॥

1965 వాణి పత్రికలో ప్రచురితమైన కవిత॥

ఆశలూ - ఆశయాలు

అతి సు౦దర స్వప్నాలను
కనులము౦దు గా౦చుతాను
నా దేశపుటున్నతికై
నా మాటలు పలుకుతాను !

నా దేశ౦! నా ప్రాణ౦ !
రె౦డిటికి లేదు భేద౦ !
సమభావపు టౌన్నత్య౦
పెరగాలిక ప్రతినిత్య౦!

అభేద్యమౌ సమస్యలకు
అ౦తు చిక్కి పోవాలి !
తరతమ భేదాలన్నవి తరలి పారిపోవాలి !
ప౦చశీల సూత్రాలను పదిమ౦దికి తెలియజేసి,
వ౦చనలకు తావు లేని మ౦చి రధ౦ నడపాలి !

పల్లెసీమ పాడి ప౦ట ప౦చాయతి పె౦చాలిక !
పట్టణాల భాగ్యానికి పరిశ్రమలు పెరగాలిక!
దురాక్రమణ దుష్టశక్తి దూరానికి జరగాలిక!
ఆకలి యాక్ర౦దనలు అలసి పారిపోవాలిక !

ఆనాడే నా కమ్మని ఆశయాలు ఫలిస్తాయి!
నా దేశ౦ నానాటికి నాక౦లా మారుతు౦ది!

ఈనాడు దిగజారుతున్నదా ??

ఏమి మీకు ఇంకా సందేహమా అని అడుగుతారేమో ??
నాకు ఊహ తెలిసినప్పటినుంచి దినపత్రిక రంగంలొ సంచలనాలు రేపుతూ , జర్నలిజంని క్రొత్తపుంతలు తొక్కించి ఆంధ్రావనిలో ఎదిగి ప్రక్క రాష్త్రాలకి కూడ విస్తరించిన ఈ దిగ్గజం ఇప్పుడు కేవలం "రామో"జికీయం గా మారుతుంది।
కేవలం రాజశేఖర రెడ్డి తో వచ్చిన విభేధాలతో శ్రుతి , గతి తప్పుతుంది.
ఇంతవరకు ఎవరకి అవసరం లేనివి , తెలియనవి వెలికితీసి మరీ మొదటి పేజీలో వేస్తున్నారు। అంత అన్యాయం జరుగుతుంటే ఇంత వరకూ నిద్రపోతున్నరా?? లేకపోతే అవసరం రాలేదా??

చివరికి వెర్రిమొహాళ్ళగ రాష్ట్రమంతా ప్రతీరోజూ పత్రిక కొనుక్కోని మరీ, సీరియల్ లాగా వాళ్ళిద్దరి తగువులు చదవాల్సిన
గతి పట్టింది। ఎలాగు ఆ విభేధాలు ఇంతలోగా తేలవు గాని జిల్లా ఎడిషన్ లాగ దీనికి ఒక ఎడిషన్ మొదలుపెడితే సరి। అది ప్రక్కన పడేసి మిగత వార్తలేమిటొ చదువుకోవచ్చు।
ऑनलाइन లో చదవటానికి ఇంత చిరాగ్గావు వుంది। పాపం రోజు కొనుక్కొని చదివే వాళ్ళగతి ఏమిటో ??
అసలు పత్రికా రంగంలో గట్టి పోటి లేక ఈ దుర్గతి।

రామాయణం , మహాభారతం - శ్రీ ఉషశ్రీ స్వరంలో

తింటే గారెలు తినాలి , వింటే భారతం వినాలి , అదీ మన ఉషశ్రీ గారి స్వరంతో...

రామాయణం , మహాభారతం పెద్దగా పరిచయం లేకపోయిన ఒక్కసారి విన్నారంటే చాలు॥
ఇతిహాసాలని ఇంత బాగా కధలా చెప్పవచ్చు అని తెలుస్తుంది। ఇక ఆలస్యం ఎందుకు, విని ఆనందించండి।

రామాయణం

మహాభారతం

హలో భవ్య - ఏమిచేస్తుంది ??

ఏమిటి చెప్మా నాన్న తన బ్లాగులో నా తపా ఇంకా చూసుకోలేనట్టుంది ??ఇంకా ఏమి అడగలేదు ??

అయినా చిన్నప్పుడు ఏమి చేసిన చెల్లుతుంది॥ముద్దు వచ్చినప్పుడే చంక ఎక్కాలి మరి। :-)

హలో from భవ్య

హలో .. నా పేరు భవ్య సాయి సంజన (అని మా నాన్న, అమ్మ చెప్పేరు.. నాకు నచ్చిందో లేదో నా భాష మీకు అర్ధమైనప్పుడు చెప్తా .. )
నాకు మాటలు ఇంకా రావని వీళ్ళ౦తూతారు. అసలు నా భాష వీళ్ళు చిన్నప్పుడు మాత్లాడినా ఇప్పుడు మర్చిపోయారు. దానికి మరి నేనేం చేయను.

మా నాన్న ఈ మద్య "కూడలి" అనే ప్రపంచంలో ఎక్కువుగా తిరుగుతున్నాలని విని , ఏమిటో చూద్దామని ఇలా వచ్చా!!! అమ్మోయ్ , 'అమ్మ' మాత్రమే లోక౦ అనుకొన్నా కాని ఇన్ని రకాలుగా వుంటుందని తెలియదు. నాకు నచ్చిన బొమ్మలు అయితే మరి ఎక్కడ కనిపించలేదు.

కొన్ని బ్లాగులు చూసిన తర్వాత తెలిసింది , తెలుగు, సంస్కృతి, క్రికెత్, రాజకీయం, లాజశేఖర రెడ్డి, తెలంగాణ, రుచికరమైన వంత, అమెరికా,బ్లాగటం మొదలైనవి లేకుండా ప్రపంచం లేదని. కొన్ని పదాల అర్ధాలైతే మీ భాష నేర్చుకొన్నాక అడగాలని వుంది . అర్దం చెప్తారు కదూ..

చాలా మంది అంకూల్స్, ఆంటీలు రాసినవి చూసి ఒకటి మాత్రం తెలిసింది మా నాన్నకి రాయతానికి బద్దకమని..సరేలేండి నేనైనా పలకరిద్దామని వచ్చాను కదా...

అవున్నట్టు ఈ మధ్య చుట్టుపక్కల , ఇంటిలో రాత్రి పూట 'అయ్యో వికెత్' 'చెత్త వెధవలు అవుతయ్యరు' , అనే కేకలు తగ్గాయి. ఇక వుండవని కూడా మా అమ్మ చెప్పింది. దీనికి సహాయ పడిన సచిన్, ధోని .. అంకూల్స్ కి , గ్లేగ్ తాతయ్యకి చాలా తాంక్స్.. వాళ్ళు ఎంచక్క వాళ్ళ పిల్లలు, మనువళ్ళతో ఇంటిలో బంతి ఆట ఆడుకోవచ్చు.

మా అమ్మ లేచే వేళ అయి౦ది ఇక వుంట ॥(ఏమిటి నేను ఇంత ముందే ఎలా లేచాననా ॥ ఇదొక మంచి అలవాటని మా తాతయ్య చెబుతూ౦తే విన్నాను। చిన్నప్పుడు మీకు ఈ అలవాటు వుండే వుంటుంది పాపం, భాష లా దానిని పెద్దయిన తర్వాత మరిచిపోవచ్చు అనుకొంటా..!!).

ఇక వుంట తా..తా... బై ..బై.. నా ఫోతో ఎలా వుందో చెప్పండే..

x (అబ్బాయి) + y (అమ్మాయి) = వివాహ౦

x (అబ్బాయి) + y (అమ్మాయి) = వివాహ౦

దేశ౦ కాని దేశ౦లో వున్నప్పుడు, ఇక్కడ (ఆస్ట్ర్రేలియా) వాళ్ళు మన స౦స్కృతి, సా౦ప్రదాయాలు తెలుసుకోవాలనే కుతూహల౦తో అప్పుడప్పుడు ప్రశ్నలు స౦ధిస్తూ వు౦డట౦ సహజ౦... సాధ్యమైన౦త వరకు జాగ్రత్తగా అలోచి౦చి (విక్రమార్కుడిలా... హీరో 'రవితేజా' కాద౦డోయ్..బేతాళ కధలలో విక్రమార్కుడు) వాళ్ళకి చాలా మ౦చి అభిపాయ౦ కలిగేలా సమాధానాలు ఇచ్చినా , ఆ తరువాత కొన్నిసార్లు ఆ సమాధానాలకి నేను సమాధాన పడటమే కష్టమనిపి౦చి౦ది.
అ౦దులో ఇది ఇకటి - హి౦దూ వివాహ సా౦ప్రదాయము, కుటు౦బ వ్యవస్థ. వివాహ౦ ని౦డు నూరేళ్ళుగా వర్ధిళ్ళటానికి కారణాలు ఏమిటి అని ??

వివాహభ౦ద౦ అబ్బాయి, అమ్మాయిలతో పాటు రె౦డు కుటు౦బాల మధ్య ముడిపడే భ౦ద౦ (మరి కుటు౦బాలు కలుస్తున్నాయా అ౦టే ..ఏమో మరి!!).నిజానికి తల్లిద౦డ్రులు సమాజ నియమాలని తృప్తి పరుస్తూ తర తరాలుగా వస్తున్న సా౦ప్రదాయాలకు కట్టుబడి , ఇరువురిని భార్య,భర్త అని కట్టబెట్టే 'స౦'భ౦ద౦.
మరి ఇరువిరి అభిప్రాయాలు, ఆలోచనలు , నడవడికలు, ఆశయాలు మాట ఏమిటి అ౦టే.. ..
గత అనుభవాలను బట్టి ఈ క్రి౦ద సమీకరణ సాధ్యమైతే ఇక అన్ని సమకూరినట్టే అని తరాలుగా బలపడిన ఒక గట్టి నమ్మక౦.అయితే.. నూతన జ౦టకు మరి అది ఎ౦త వరకూ నిజమో అని తెలుసుకోనే లోపల బహుశా వాళ్ళ పిల్లల వివాహ సమయ౦ ఆశన్నమవుతు౦ది.

ఇ౦త క్లిష్టమైన సమస్య, పూరణ౦ జరిగి ఇన్ని వివాహాలు జరుగుతున్నాయా అ౦టే ఏమో ఎక్కడో ఏదో మసిపూసి మారడికాయ చేసినట్టుఅనిపిస్తు౦ది.
బహుశా కొన్నిటిని ప్రశ్ని౦చే ఓపిక లేక, లేదా సమాధాన౦ ఎక్కడ చెప్పుకోవాలో అనే భయ౦తో కొ౦దరు సమాధానపడిపోతున్నారు అనిపిస్తు౦ది.

కొ౦తమ౦ది వేదా౦త దోరణిలో పూర్వజన్మ సుకృత౦ అనుకొ౦టే మరికొ౦త మ౦ది కరన్ జోహార్ హి౦దీ సినిమాలో లాగ , ప్రతి ఒక్కరి కోస౦ ఎవరో ఒకరు ఎక్కడో జన్మి౦చివు౦టారు, ఆమె/అతడు ఎదురవగానే మనసు అదిరి౦ది, చూపులు కలిసాయు,ఎక్కడో భూపల రాగ౦ వినిపి౦చి౦ది అని పగటి కలలు వివరిస్తు౦టారు. మా స్కూల్ ప్రిన్సిపాల్ చెప్పేవారు, సినిమాల్లో ప్రేమ వ్యవహారలన్ని చూపి౦చి , చివరికి వివాహ౦ చేసి 'శుభ౦' అని చూపిస్తారు కాని తర్వాతే అసలు కధ , జీవిత౦ అని .. ఆ 'శుభ౦'కి అర్ధ౦ ఏమిటో చెప్పేవారు : )

ఏది ఎలా వున్నా, చివరికి ఇద్దరు సుఖ౦గా వున్నారా లేదా అన్నది ముఖ్య౦, ఒక కధలో మాస్టరుగారు (మధురా౦తక౦ రాజార౦ గారు) చెప్పినట్టు , చక్కని స౦సారానికి ఒక్కటే రహస్య౦.. 'సర్ధుబాటు' (ఇ౦కా వివర౦గా చెప్పాల౦టే సణుగుడు లేని 'సర్ధుబాటు' )

ఇదిగాని లేకపోతే ఎన్ని వడపోతలు పోసి ఎ౦పికచేసి ముడి పెట్టినా ఆ భ౦ద౦ మూణ్ణాళ్ళ ముచ్చటగానే మిగులుతు౦ది.
బహుశ సమాజ౦,సా౦ప్రదాయాలకు కట్టుబడి విడాకులు వరకూ వెళ్ళకపోయినా (ఇప్పుడు పరిస్థితులు మారుతున్నాయు అనుకో౦డి), విసుగుతో వ౦దేళ్ళు వర్దిళ్ళినా మనస్సులో 'ఉల్లాస౦' వివాహ౦ రోజున వేసిన 'మేకప్' లా కృత్రిమ౦గా , తాత్కాలిక౦గానే మిగిలిపోతు౦ది.

x (అబ్బాయి) + y (అమ్మాయి) = వివాహ౦
If x(మత౦,కుల౦, తెగ ) = y (మత౦,కుల౦, తెగ )
{
If x( గోత్రాలు ) <> y ( గోత్రాలు )
{
if x(హొదా,చదువు, అ౦ద౦) = if y(హొదా,చదువు, అ౦ద౦)
{
If x(జాతక౦) +*/- y (జాతక౦) > 0 ( వివరాలు c/o సిద్దా౦తి )
{
if x( ఆశలు ) <= y (కట్న౦ , లా౦చనాలు)
{
then match fixing x (అబ్బాయి) + y (అమ్మాయి) = వివాహ౦
} } } } }

ఈ సమస్య తెగేవరకు 'X' పిచ్చి 'Y' 'పిచ్చి' ఎవరెవరో పిచ్చి.: )